FC Gurmels

1. Mannschaft, 26. Mai 2019

Eine Ära geht zu Ende

 

 

Am 26.5.2019 isch auso jetzt dä Tag cho, wo üses fantastische Buvetteteam ds letst mau d Buvette vom FC Gurmels «grockt» het.

Während 15 Jahr heit dir immer alles gä für dä Verein und für die supertolli Buvette.

I däne 15 Jahr simer scho i ganz viune Buvettene im ganze Kanton gsi, aber nirgends isches so toll gsi wie hie.

Ihr sit immer fründlich und ufgstellt gsi. Ds Esse und ds Verpflegigsagebot isch de Wahnsinn gsi. Sigs am Morge früh mit früsche Gipfeli oder o a gfühlti Ewigkeit nachem Matsch, ma het bi euch immer no öpis becho.  

Mir vode 1.Mannschaft möchte ar Rita und am Stefan (und natürlich ou am Kevin und de Manuela und aune andere wo euch immer tatkräftig ungerstützt hei) gaaaanz herzlich DANKE säge.

Ihr wärdet a grossi Lücke hinderla, aber natürlich immer i bester Erinnerig blibe.

Mir zieh auso üsi «Schueh und Golihändsche» vor euere Arbeit.

Mit däne Föteli und däm Bricht vom letste Tag ir Buvette säge mir nomau:

 

MERCI RITA «BUFFET-FEE»

MERCI STEFAN « CHUCHI-CHEF » 

MERCI MANUELA « ALLROUNDERIN »

MERCI KEVIN « KÜ C JR. »

 

                                   

 

 

Simu und die 1.Mannschaft

 

Simon Falk